စားသုံးသူများကိုလေ့လာခြင်း
(Customer Analysis)
တွေ့သမျှလူတိုင်းကို စားသုံးသူလို့မြင်မဲ့အစား စားသုံးသူတိုင်းကို တစ်ဦးချင်အနေနဲ့ ကြည့်ရပါလိမ့်မယ်။
သို့သော်လည်း စားသုံးသူဖောက်သည်တိုင်းကို ၀န်ဆောင်မှုကောင်းကောင်းပေးနိုင်ဖို့ အရေးကြီးတာမှန်ပေမယ့် အားလုံးကို တန်းတူရည်တူ အကျိုးဆောင်ရမယ်လို့ မဆိုလိုပါဘူး။ ဖောက်သည်မှန်ရင်အရေးပါတာဖြစ်တဲ့တိုင်အောင် တစ်ချို့ကို ကျန်သူတွေထက်ပြီး ဂရုစိုက်ရမှာဖြစ်ပါတယ်။ ဒီအတွက်...ဖောက်သည်တွေထဲမှာ လှိုက်လှဲပျူငှာ ၀မ်းသာအားရ ဆက်ဆံရမည့်သူ၊ သည်းခံဆက်ဆံရမည့်သူ၊ တစ်နပ်စားယာယီ သဘောထားရမည့်သူလို့ အမျိုးအစားခွဲနိုင်ပါတယ်။ ဒါပေမယ့် ဒီထက်ပိုကောင်းတဲ့နည်းက ပလက်တီနမ်၊ ရွှေ၊ ငွေ၊ သံနဲ့ ခဲဆိုပြီး ဖောက်သည်တွေကို အဆင့်ခွဲလိုက်တာပါပဲ။ အဆင့်မြင့်လေ အကျိူပေးသန်လေဖြစ်ပြီး သူတို့နဲ့ အပြန်အလှန်ရေရှည်လက်တွဲသွားရာက တစ်ခြားလူတွေပါ အားကျလာအောင် မက်လုံးပေးရာရောက်ပါတယ်။
ဘဏ်တစ်ခုကဆိုရင် သူတို့ဘဏ်မှာ အကြီးအကျယ်ငွေအပ်နှံသူတွေသာ Member ၀င်နိုင်တဲ့ ကလပ်တစ်ခု ဖွင့်ထားပေးတာကလား။ ၃ လတစ်ကြိမ် စည်းဝေးပွဲတွေ ကျင်းပတာလည်းရှိသေးရဲ့။ ဒီအထဲမှာ ပညာပေးကဏ္ဌတွေလည်းပါ၀င်တာမို့ စီးပွားရေပညာရှင်ဂုရုကြီးတွေ၊ နာမည်ကြီးဖြော်ဖြေရေးသမားတွေနဲ့၊ ထင်ရှားသူတွေကို ဆုံတွေ့ကြားနာခွင့်ရပါတယ်။ ဒီတော့...သူတို့အဖို့ ဒီဘဏ်နဲ့အဆက်ဖြတ်ပြီး အသင်း၀င်အဖြစ်မှ ဆုံးရှုံးရမှာ ဘယ်လိုလားပါတော့မလဲ။
ကုမ္ပဏီတစ်ခုဟာ သူ့ဖောက်သည်တွေကို နောက်တစ်နည်းနဲ့လည်း ရွေးထုတ်နိုင်ပါသေးတယ်။ ပထမအုပ်စုအနေနဲ့ အကျိုးအမြတ်အပေးဆုံး ဖောက်သည်တွေ သူတို့ကပထမဦးစားပေးအဆင့်ပေါ့။
ဒုတိယအုပ်စုကတော့ အလားအလာအကောင်းဆုံး ပုဂ္ဂိုလ်တွေဖြစ်လို့ ရေရှည်လက်တွဲဖို့ မျှော်မှန်းပြီး အရေးပေးရမှာဖြစ်ပါတယ်။
တတိယအုပ်စုအဖြစ် တစ်ခြားတံဆိပ်ကို ပြောင်းမသုံးအောင် ထိန်းထားရမဲ့လူတွေပါ။
ဘာပဲဖြစ်ဖြစ် ဖောက်သည်အားလုံးကိုထိန်းထားရဖို့မလွယ်တာတော့ အမှန်ပါပဲ။
ဒီအထဲက ဒုက္ခအပေးဆုံးဖောက်သည်တွေလို့ခေါ်ရမယ့် စတုတ္ထအုပ်စုတွေ ရှိပါသေးတယ်။ သူတို့နဲ့ထိတွေ့ရလို့ အမြတ်မပေါ်တဲ့အပြင် သူတို့နှောက်ယှက်မှုတွေကို ကာကွယ်နေရပါအုံးမယ်။ တစ်ချို့ဆို လုံး၀သံယောဇဉ်ဖြတ်ရမယ့် လူမျိုးတွေပါ။ ဒါပေမယ့် သူတို့နဲ့ အဆက်မဖြတ်ခင် အချိုးပြန်ပြင်ဖို့အခွင့်အရေးတော့ပေးသင့်ပါတယ်။ သူတို့အတွက် ကြေးမြှင့်တာ (ဒါမှမဟုတ်) ၀န်ဆောင်မှုကိုလျှော့ပစ်တာမျိူး။ သူတို့က ဆက်မြဲနေရင်အမြတ်ရပါတယ်။ သူတို့ခွာသွားတယ်ဆိုလည်း ကိုယ့်ပြိုင်ဘက်တွေကို သွားလှီနေတော့မှာပါ။
တစ်ချို့ဖောက်သည်တွေကတော့ ကိုင်ရတွယ်ခက်ခဲပေမယ့် အမြတ်အစွန်းတွေ ရနိုင်ပါတယ်။ သူတို့က ဆုကောင်းလာဘ်ကောင်း ပေးသူတွေဆိုပါတော့။ ကြမ်းတမ်းခက်ထန်ဆုံး လူတွေကို ကျေနပ်အောင်လုပ်ပေးနိုင်ရင် ကျန်သူတွေကိုလည်း ကျေနပ်မှုပေးဖို့ လွယ်ပါလိမ့်မယ်။
စားသုံးသူဖောက်သည်တွေရဲ့ ဝေဖန်ပစ်တင်မှုတွေကို အရေးထားပါ။ ကိုယ့်ကုမ္ပဏီရဲ့ ဂုဏ်သိက္ခာကို ဖြတ်စီးနိုင်တဲ့ စိတ်ဆိုးနေတဲ့ ဖောက်သည်တစ်ယောက်ရဲ့ စွမ်းအားကို ဘယ်တော့မှ လျှော့မတွက်ပါနဲ့။
ဂုဏ်သိက္ခာဆိုတာ တည်ဆောက်ဖို့ခက်သလောက် ဆုံးရှုံးဖို့လွယ်ပါတယ်။ ကိုယ့်ကို စောဒကတက်တဲ့ ဖောက်သည်ဆိုတာ ကုမ္ပဏီရဲ့ အကောင်းဆုံးမိတ်ဆွေတွေပါပဲ။
အပြစ်တင်ဝေဖန်မှုဟာ ဖောက်သည်ပြတ်တဲ့အထိ ဖြစ်နိုင်တဲ့ ပြဿနာရှိကြောင်း တန့်လှန်နှိုးဆော်တာဖြစ်သလို အချိန်မှီသတိပေးတာပါပဲ။
Marketing insights from A to Z
Professor Philip Kotler ✍?
#ဈေးကွက်ရှာဖွေနည်းပညာ
#PhilipKotler
#marketing
